Ceyhun Bayramov müxalifət nümayəndələrinin də qanun qarşısında məsuliyyət daşıdığını dedi

Ceyhun Bayramov
Azərbaycanın xarici işlər naziri Ceyhun Bayramov müxalifət nümayəndələrinin də qanun qarşısında məsuliyyət daşımalı olduğunu bildirib. Bizim.Media-nın məlumatına görə, o, almaniyalı həmkarı Yohan Vadefulla birgə keçirdiyi brifinqdə jurnalistin sualını cavablandırarkən bu mövzuya toxunub. “Politico”nun müxbiri Bayramovdan hakimiyyəti zorla ələ keçirməyə cəhddə ittiham olunan AXCP sədri Əli Kərimli barədə soruşub. Nazir cavabında vurğulayıb ki, insanın müxalifət nümayəndəsi olması onu məsuliyyətdən azad etmir və hər kəs törətdiyi əməllərə görə qanun qarşısında cavab verməlidir. Bayramovun sözlərinə görə, hazırda aparılan hüquqi araşdırma Azərbaycan qanunvericiliyinə uyğun şəkildə davam edir. O, yekun qərarın məhkəmə tərəfindən veriləcəyini və bütün suallara həmin qərarın cavab olacağını deyib. Xarici işlər naziri əlavə edib ki, hüquq qarşısında bərabərlik prinsipinin təkcə Azərbaycana deyil, Almaniyaya və dünyanın digər ölkələrinə də aid olduğunu düşünür. Brifinqdə səsləndirdiyi fikirlərlə Bayramov, müxalifət mənsubiyyətinin hüquqi məsuliyyətdən yayınmaq üçün əsas sayılmamalı olduğu mövqeyini ifadə edib.
Mənbə ↗