Журналист ва ёзувчи Абдураззоқ Ўброев вафот этди

Abdurazzoq O‘broev
Ўзбекистонда хизмат кўрсатган журналист, ҳажвчи ва шоир Абдураззоқ Ўброев вафот этди. Бу ҳақда Ўзбекистон Журналистлар уюшмаси хабар берди. У Журналистлар ижодий уюшмаси аъзоси ҳам бўлган. Ўброев турли йилларда Ўзбекистон Миллий ахборот агентлигида, «Муштум» журнали ва «Ватанпарвар» газетасида ишлаган. Матбуотдаги фаолияти билан бирга у шеър ва наср ёзган, ҳажвий асарлари ҳамда китобларини нашр эттирган. 2005 йилда унга «Ўзбекистон Республикасида хизмат кўрсатган журналист» фахрий унвони берилган. Унинг «Хўплам-тўплам», «Ҳуринг-ҳиринг», «Тухумнинг қудрати», «Аёлнинг қулоғи», «Рухсат беринг, шеър ўқийман» ва «Сен авайла, асра Ўзбекистонни» каби китоблари чоп этилган. Абдураззоқ Ўброев 1956 йилда Самарқанд вилоятининг Пастдарғом туманида туғилган. 1985 йилда Москва давлат университети журналистика факультетини тамомлаган. У Ўзбекистон Ёзувчилар уюшмаси аъзоси ва истеъфодаги подполковник ҳам бўлган.
Sursa ↗