मुख्यमन्त्री मङ्गलबहादुर शाहीको जोड: प्रतिस्पर्धा होइन, सरकारबीच सहकार्य

Mangal Bahadur Shahi
कर्णाली प्रदेशका मुख्यमन्त्री मङ्गलबहादुर शाहीले स्थानीय र प्रदेश सरकार एकअर्काका प्रतिस्पर्धी नभई सहयोगी बन्नुपर्ने बताएका छन्। वित्तीय सङ्घीयताको प्रभावकारी कार्यान्वयनले मात्र सङ्घीय व्यवस्था सफल बनाउन मद्दत पुग्ने उनको भनाइ छ। गाउँपालिका महासङ्घ कर्णाली प्रदेश सुर्खेतले आयोजना गरेको प्रदेशस्तरीय अन्तरक्रियामा बोल्दै शाहीले संविधानको मर्मअनुसार प्रदेश र स्थानीय तह सञ्चालन भए नागरिकले सङ्घीयताको सकारात्मक अनुभूति गर्ने बताए। कार्यक्रम स्थानीय सरकारको एक दशक, अन्तरसरकार समन्वय, वित्तीय सङ्घीयताको प्रगति र सार्वजनिक वित्तीय व्यवस्थापन सुदृढीकरणका विषयमा केन्द्रित थियो। शाहीका अनुसार जनताको आवश्यकताअनुसार काम गर्न दुई तहका सरकारबीच समन्वय र सहकार्य आवश्यक छ। अधिकारका विषयमा पनि सबै तहका सरकारबीच आपसी समझदारी हुनुपर्ने उनको धारणा थियो। उनले आवश्यक विषयमा मिलेर अघि बढ्दै सङ्घीयता कार्यान्वयनका लागि केन्द्र सरकारलाई दबाब दिनुपर्ने बताए। कार्यक्रममा सहभागीहरूले प्रदेश र स्थानीय सरकार बलियो नभएसम्म सङ्घीय व्यवस्था सुदृढ हुन नसक्ने धारणा राखेका थिए। अन्तरक्रियाको उद्देश्य वित्तीय सङ्घीयता कार्यान्वयनको अवस्था समीक्षा गर्नु र आगामी वर्षका लागि कार्यदिशाबारे छलफल गर्नु रहेको आयोजकले जनाएको छ।
Sursa ↗