Donald Trumpın beş övladı: ailə biznesində çalışanlar, siyasətçilər və məktəblilər

Donald Trumpın övladları fərqli həyat yolları seçiblər: böyük uşaqları ailə biznesində və siyasətdə tanınır, ən kiçikləri isə hələ məktəb yaşındadır. Lent.az xarici mediaya istinadən yazır ki, prezidentin beş övladının hər birinin öz gündəmi və fərqli maraqları var. Trumpın birinci həyat yoldaşı İvana ilə nikahından dünyaya gələn Donald Trump Jr. ailə biznesində atasının yolunu davam etdirib. O, Pensilvaniya Universitetində təhsil aldıqdan sonra bir müddət Aspendə yaşayıb, barmen işləyib və xizək sürüb. Daha sonra atasının şirkətinə qoşulan Donald Trump Jr. bir sıra böyük layihələrə nəzarət edib, hazırda isə bacısı İvanka və qardaşı Eriklə birlikdə “Trump Organization”da icraçı vitse-prezident vəzifəsində çalışır. Məqalədə onun atasının siyasi müttəfiqi olduğu da qeyd edilir. Donald Trump Jr. atasının ilk prezidentlik dövründə müşavirlik edib və sosial şəbəkələrdə siyasi mövzularla bağlı mübahisəli açıqlamalar verib. Onun gələcəkdə prezidentliyə namizəd olacağı barədə söz-söhbətlər yayılsa da, özü belə ehtimalları təkzib edib və atasını dəstəklədiyini bildirib. 48 yaşlı Donald Trump Jr.-ın Vanessa Haydonla nikahından beş övladı var. Cütlük ayrıldıqdan sonra o, Kimberli Qilfoyl ilə münasibətdə olub. Məqaləyə görə, 2025-ci ilin dekabrında model Bettina Andersonla nişanlanıb, 2026-cı ilin mayında isə Baham adalarında ailə və yaxın dostlarının iştirakı ilə evlənib. Donald Trumpın qızı İvanka da ailənin tanınan simalarındandır. Mənbənin təqdim etdiyi məlumatda onun uşaqlıqdan dəbdəbəli şəraitdə böyüdüyü, bir vaxtlar modellik etməyi düşündüyü və sonradan bizneslə məşğul olduğu bildirilir. Atasının övladlarından bəziləri şirkətdə çalışır, bəziləri ictimai-siyasi fəaliyyət göstərir, digərləri isə yaşlarına uyğun olaraq təhsillərini davam etdirirlər.